flickr-free-ic3d pan white

चुकली दिशा तरीही . . .

चुकली दिशा तरीही हुकले न श्रेय सारे

वेड्या मुशाफिराला सामील सर्व तारे

 

मी चालतो अखंड चालायाचे म्हणून

धुंदीत या गतीच्या सारेच पंथ प्यारे

 

डरतात वादळांना जे दास त्या ध्रुवाचे

हे शीड तोडले की अनुकूल सर्व वारे!

 

मग्रूर प्राक्तनांचा मी फाडला नकाशा

विझले तिथेच सारे ते मागचे ईशारे

 

चुकली दिशा तरीही आकाश एक आहे

हे जाणतो तयाला वाटेल तेथ न्यारे

 

आशा तशी निराशा, हे श्रेय सावधांचे

बेसावधास कैसे डसणार हे निखारे?

  

- विंदा करंदीकर

922 views
14 faves
19 comments
Taken on June 9, 2012