new icn messageflickr-free-ic3d pan white
كان دربك لي طويل .. وكل ماشفتك هويت | by !¤¦¦¦ بـــدوي ¦¦¦¤!
Back to photostream

كان دربك لي طويل .. وكل ماشفتك هويت

صعب لا منك فشلت .. وصعب لا منك لقيت=ان من يكره نجاحك .. يدري انك مانجحت

 

أمس ضقت .. ورحت اقلب ذكرياتي .. وانتهيت=عند صورة طفل صوته مثل صوتي لا انجرحت

 

وش مثل ؟ لا والله الا هذا انا يوم ابتديت=انطق حروفٍ تلعثم في لساني لا انمدحت

 

هذا انا يوم الحياه افنظرتي عشريت بيت=ومسجدين ومدرسه من طين كم فيها اصطبحت

 

هذا انا .. واصبحت اتمتم (هذا انا ) حتى بغيت=اختنق ..بس القدر عيا على موتي.. وطحت

 

وصاح صوت الطفل فيني :انت من وين ارتميت=قلت انا المستقبل اللي فيه كم همت وطمحت

 

امس كنت ابيك تكبر .. بس والله لو دريت=اني اللي عشت لجله ..مت عندك واسترحت

 

لو دريت ان الزمان يجر رجلي ماعديت=ولو دريت ان البحور بلا مواني ماسبحت

 

كان دربك لي طويل .. وكل ماشفتك هويت=قلت لك كبوة جواد وماكبيت الا وجمحت

 

ليه تسمعني وتمشي .. آه ليتك ما مشيت=وآه ليتك من كثر عثرات الايام انتصحت

 

ضاعت أحلامي وضل الحزن فيني واهتديت=للطريق اللي يوديني على دمعي ورحت

 

يالحزن ليتك مثل دمعي وتنزل لا رقيت=بس اعرفك لو مسحت الدمع تبقى ماانمسحت

 

كان حلمي في وجود انسان يبكي لا بكيت=وصار حلمي في وجود انسان يفرح لا فرحت

 

كنت اشوف الناس مثلي كل ماجعت وظميت=مادريت ان الاوادم ناس فوق وناس تحت

 

آه يا أول ذكرياتي ..خذني افحظنك نسيت=لا اسألك عن وجه ابوي اللي معه ياما سرحت

 

خذني افحظنك ابغفى .. يااه مبطي ماغفيت=وان لمحت دموع عيني .. سو نفسك مالمحت

 

خذني افحظنك وبعثر في جرحي .. وان قضيت=هز لي كتفي وقلي : عيب تبكي لو سمحت

 

أضحك ..وعلم زماني من انا .. ومن وين جيت=طق باب الحزن وأصرخ في لامني فتحت

 

وضمني يمك .. وكمل ضحكتك لا من بكيت=ودي اذكر كيف كانت ضحكتي .. لامن فرحت

  

الشاعر السعـــــودي : فهــــد المساعد

3,041 views
14 faves
48 comments
Taken on October 25, 2007