flickr-free-ic3d pan white

..[ NiSSaN Vs ToYoTa ]..

يقول الستاندر :

لآقالو النيسان يمشي بغندرا .. حنا نقول انه الكلوزر سيد النيساني

في فزعته لا يقبضه نيسان ولا يشم الذرى .. و يبقا وحيدن في خطه الوحداني

اربع اشاير و في وجهه تقهرا .. و يحول النيسان للشارع الثاني

مسكين ما يدري النيسان اصلن مصخرا .. و انه مع الايام اصبح فاني

قالو النيسان قولولي شي(ن) ينطره .. و الا الكلوزر قطع الفتكاني

شوف الستاندر ساري و سبيره ورا .. ما يرحم النيسان و يقطع الرملاني

سيت الرجال سيت كلوزرا .. ما اباه ذا النيسان لو مجاني

اطلبك يا راعي الكرز وله ستندرا .. تزمط على النيسان و تسمع الغلماني

ما يمصع الستندر فتك توايره ميجرا .. و لو قوة النيسان بالف حصاني

حنا رفعنا الفتك و حنا ننثرا .. و حنا نخليه بتفته تعباني

خابرك يا راعي الفتك ما تقدرا .. و ان التواير تحكم الميداني

ما يحضن النيسان الا المقبرا .. و الا المقابر تعزف الالحاني

عند الاشاير اسمع هدرة موترا .. و اسمعه هذرة الغضب باّذاني

وقت الدعاس حنا نظهرا .. و ما علينا الا نعشقه بالثاني

يا ويل حالي لو هو زمجرا .. يتفارق الفتكات و يا حيه الي جاني

فخاطري كلام اقوله و انشرا ..حاذر يا راعي الفتك جدامي

ركز يا راعي الفتك بالمنظرا .. خاطف عليكم برق هالازماني

خاطف عليكم و قيره اربعا .. يا من مصعت الفتك لا تنساني

احفظ كلامي و اتم اكررا .. هذاك راعي الكرز رفيع الشاني

هذا كلامي و اقول المعذرا .. مالك مكان يا راعي الفتك هذا مكاني

 

يقول الفتك :

جاني خبر منه فوادي تفطرا .. استندر تزمط على النيساني

جي التيوتا يا الخوي يامعثره .. هندل وقيره غرته بالثاني

منه اتلوم صاحبك لو هو برا .. ترجع يمين تعادله يا فلاني

وان ييت بتحمل بها تعفد ورا .. او تستحي ثم تعزي البتاني

الناس تطور وانت لي ورا .. كانك بصير وتتبع العمياني

فور بوينت فايف تراه قوة موتره .. ولا الفتك فور بوينت ايت احصاني

محروز يا النيسان يوم(ن) تذكره .. كانه زعيم ويحكم الاوطاني

كل المواتر تتبع الي يامرا .. والا السلق للجاريات تعاني

وتخاف يحكمها بظلم وافترا .. لكن حكمه عدل(ن) وميزاني

هاتوا سلق نيسان وانا بحظرا .. وهاتوا استندر وطيحو الميداني

وعندي انا تفجير شاهين احمرا .. فرخ(ن) وسبقه يسلب الاذهاني

ايغط يالشاه ويليمن شهرا .. ولا اوز في قطعه بعد شيهاني

والشعر ماهو مخلف كما ترى .. لكنه استلهام يوم(ن) ياني

ارتب الاقوال بين الاسطرا .. مستقبس الشاعر الدهماني

ونحن بدو نقطع رمول مقفرا .. مانركب الي اكسله تعباني

يوم(ن) يغرز واجب انك تحفرا .. وحاول يمين يسار بالسكاني

وان طاح في قصين حول بمبرا .. ماصممه للسيح والودياني

ولا الفتك يمشي كانه ع الثرا .. سنقل يماري روس هالسيتاني

امكيف جدام والثاني ورا .. ابدع ترا في صنعه الياباني

مرحوم يازايد على بالي طرا .. في جنة الفردوس يارحماني

مساند المسعودي يالي ينطرا .. في بوظبي متوكل النيساني

عنده وكاله لمبيعه والشرا .. من تسعه وسبعين لين الأني

كاين جديم و من عقبها اطورا .. و اصبح يماري الرنج في الأزماني

لريوسه حطو تراهم سنسرا .. وتثبيت سرعه داخل السكاني

ثلاجته تبرد شرا الفليزرا .. وبلوتوث وسبيكرن مجاني

كم زودوه بكام وكربيترا .. وعند السويدي نغير الشكماني

يازم كأن الرعد يومن يهدرا .. وله نغمه تطرب لها الأذاني

في تل مرعب خال حكم وجوكرا .. ماتمشي الباشا ولا الغلماني

يطير بالعرقوب يوم يظهرا .. ويفز فزات الذي به شاني

يوصل ولا توصل معاه استندرا .. وعندي علا هاذا شهودي اعياني

ياكم شبعها على الخط بذرا .. وحاول معاي عبيد بن مرخاني

في اربعه وتسعين طاح انجكترا .. وجانا فتك فالفيننا واثناني

يوم ترشه اثنين نار قد ورا .. ومن التواير غيمة الدخاني

قالوا من البترول لايع يفقرا .. قلت السعاده تنشرا بأثماني

قالو يحر قلت قول مزورا .. وقيج الحراره تحسبه خرباني

خذلك فتك ياخي وخل المسخرا .. لا وراد امريكا ولا بريطاني

لا صممه شارون ويا هتلرا .. والي انكتب معروف من العنواني

 

أنتوا شتقولون ؟

 

Model : موتري + موتر بوبخيت

  

[ DON'T JUST VIEW, LEAVE COMMENTS HERE ]

8,741 views
47 faves
59 comments
Taken on February 8, 2009