3d pan white

راح الـنهـار وهيـّفـت شـمـس الـغــروب

Al Wakrah - Qatar

 

-------------

 

راح النهار وهيفت شمـس الغـروب

وسوى شفق المغيب ع القبلة حجـاب

صار الدجى يستدرج الوقت بالدوب

حتى بدا يضفي على كـل مسحـاب

وإذا بليـل معتـم يسـدل الثـوب

ينسج من خيوط الغياهيـب جلبـاب

أهوجس وانا مابين غافـة وعرقـوب

ماغير أنا والليـل والخلـوة أصحـاب

في بر خالي لا مرافق ولا مندوب

أسامر هواجيسي على راس مرقاب

الوجد صوب ولاعج الشوق من صوب

والهموم تتناهـش الأساويـد بأنيـاب

أكسر هوس لي دار للجيـل دالـوب

واسج لي مروا على البـال الاحبـاب

يصهر خفوقي بين الأضلاع لاهـوب

عزاه من جرح فالاعمـاق ماطـاب

لي باتوا الخالين في الهيعة طيوب

يقبض معاليقي من الويج خباب

ياويل من مثلي من الوجـد مرعـوب

يتمازعن يوفـه رهيفـات الحـراب

رماني زمانـي دون زلـة وعـذروب

ياقدرة الله يوم تكتـب لـك أسبـاب

ضاري على حمل الكلف دون متعوب

لكن ماضاري على صد الأصحاب

كل مابغيت أعبر عن الشوق بإسلـوب

يجرفنـي التيـار فـي بحـر عـبـاب

لو كان عن تبع الهوى قلـت باتـوب

الود من يسطي ف القلـوب غـلاب

  

وعلى قولة الشاعر .. وتمت هذي القصيدة

 

-------

 

للشاعر / مصبح بن على المطروشي الكعبي

 

وغناها ميحد

13,250 views
150 faves
268 comments
Taken on January 13, 2007