new icn messageflickr-free-ic3d pan white
An Interview With Mnawrah | by D_SH_interviews
Back to photostream

An Interview With Mnawrah

في عالم الرسم والتلوين هناك مايشدنا إليه لبساطته وسهولة فهمه والتعمق في زواياه

ومن يكون أفضل دليل لذلك العالم من شخص يصنعه بنفسه

الأخت منوره معروفه برسوماتها الرائعة وأفكارها الغريبة والجديدة

وحبينا نتعرف عليها وتتعرفون عليها أكثر

 

مانطول عليكم قد ماطولنا قبل.. والعذر والسموحة على التأخير اللي صار لظروف الإمتحانات

 

Mnawrah

  

من هي منوره وليش هالاسم ؟

اسمي عائشة .. من مواليد 21-ابريل-1991 يعني بعد شهرين ان شاء الله بكمل 18 .. من دولة الامارات العربية المتحده من اماره عيمان

ليش هالأسم؟ انا احب النور وايد و احب الاماكن المنورة و بعد كنت اسمع غنيه ف اخترعت هالأسم!

 

وشلون عرفتي فلكر وكيف بدايتك فيه ,, وهل اضاف لك شي؟

كانوا اهلي كلهم هناك فقررت انا بعد ادخل وياهم قبل اربع سنين تقريباُ و كانت احلى ايام لانه كل الكزنز كانوا هني!

طبعن اضافلي وايد اشياء... مهاراتي في الرسم اطورت واايد و التصوير و التعديل بالفوتوشوب و استوت لي خلفية عن التصوير قبل ما كنت اعرفها

 

كثير من الناس يعبرون عن شخصياتهم او الارائهم بطرق مختلفه , انتي اخترتي الرسم و التصوير

ليش؟

والله لأني أحس انه في الرسم الواحد يروم يرسم اللي يباه و اللي في خاطره اكثر من اي شي ثاني و التصوير ترومين

انج بعد تعبرين و تظهرين الصورة مثل ماتبينها

 

الرسمه كم تاخذ من وقتك؟

تاخذ مني يوم تقريباً .. قولي من العصر الى الساعه 11 او 12 فليل (طبعن هاذا يوم مايلس عليها وايد يعني اكون مستعيله و في اغلب الاحيان انا استعيل في رسماتي لانه بطبعي انا انسانه عجولة)

و اغلبية الرسمات اللى اجوفونها المفروض يكونون افضل من جي بس انا دوم استعيل

سوو .. تاخذ بالسبع أو تسع ساعات اذا كان الشغل متواصل و هيه اتعب ع الرسمات خاصتن اللي اسويها ع الكبيوتر عشان جي تييني فترات مانزل رسمات وايد

 

من وين تاخذين افكار رسماتك؟

اغلب الاحيان من موقع deviantart.com و يوم اجوف الرسمات هناك صدق اتحمس

احب اجرب اشيا و ستايلات يديده و احب اطالع شغل غيري و مافيها شي لو خذت افكار من غيري بس ماصرق طبعاُ .

و رسوم ديزني واااااااااايد اثرت فيني و وايد احب افلام ديزني و رسومهم

 

اذا كنتي فقمة السعاده من اول شخص تشااركينه هالسعاده؟

Cousinty … my soul mate :D ..

 

قرينا انه لسانك طويل! انتي وش رايك ؟

هههههههههههههههههههههههههههههه لا حرام عليكم يمكن جي يقولون لانه انا واايد ارمس و ماصك حلجي الا اذا كنت مستحيه من حد ولا في مصيبه ولا في عزا :p

و يمكن لاني وايد اتحرطم مثل العيايز :p

 

موقف مضحك صار لك بفلكر؟

اممم مادري ماذكر وايد اشياء بس اذكر..

مره ربيعتي كانت تبا تخسس فيي ف قالتلي انه بتحط عليي في فلكر ف المهم حطت عليي و ضحكنا و جي

جان يدخل واحد يقربلي و عصب يتحراها صدق اضاربني ههههههه المهم سبها و جي ف انا قلت له ياخي يعني عدل كلامك هاي ربيعتي و جي ف ما كان منه الا انه سار و عدل الرمسه اللي قالها و حط عليه انا هههههههه يتني ربيعتي اليوم الثاني في المدرسه من بعيد اول ما دخلت تأشر عليي و تضحك هههه

 

ماهو أهم قرار أتخذتيه في حياتكٍ ..؟

مادري ماحس في قراار كبير اتخذته للحين

 

ما هى الامنية التى حققتها والامنية التى لم تحققها؟

م بعت تي شيرتات عليها رسماتي .. وايد فرحت

و الامنيه اللي ماتحققت .. امم وايد لول منها يعني

كانت امنيتي اتعلم كيف اعزف عالبيانو :p يوم كنت صغيره كنت اعزف بإيدين بس نسيت و يوم قلت حق الوالده الحين ابا اخذ دروس قالتلي "ليش ناويه ادقين في فرقه" ههههههههههههه

و امنيه ثانيه : اتمنى يكون عندي ماركه خاصه في منوره او boutique خاص فيني

 

تقولك امك روحي نامي؟

ههههههههههههههههههههههه انا الوحيده اللي تاخذ منها اللاب فلييل عشان ماسهر ههههه مادري ليش لين الحين ايحسسوني اني ياهل بس انا استاهل الصراحه فيني ادمان ع النت

بس على مييييييييين تلعبها الوالده هههه .. يوم اتقولي فليل احط اللاب في غرفتها (اونه عشان ماسهر) شو اسوي؟ :P اسير و احط في شنطت اللاب كتب و احط اللاب تحت اللحااف عندي و احط الشنطه عندها هههههههههه و كله يوم انش العصر تستغرب اتقولي ابا اعرف شو اللي يخليج ترقدين كل هالوقت! ههههه و الين الحين ماتعرف السر

 

وين تشوفين نفسم بالرسم ولا التصوير؟

الرسم. لانه مثل ما قلت قبل الرسم تروم توصل الفكره اسرع لانه تروم ترسم اللي تباه

انا عن نفسي احب التصوير او بالأحرى انا احب اكون الموديل

بس ماعندي حد يصورني.. و بعد انا عندي وايد افكار بس ماحصلي موديلز او المكان اللي في بالي او الادوات .. الخ

و في صور وايد حلوه مصورتنها بعد بس عشان عاداتنا و تقاليدنا و منقود و عيب و مادري شو ..ماروم احطهم .. ف العادات و التقاليد ممكن هي اللي خلتني ما اميل للتصوير كثر الرسم .

 

تذكرين اول رسمه رسمتيها ,, وشو الي اثر بمنوره ,, وكيف قدرتي تنميون موهبتك؟

انا من يوم ماكنت ياهل و انا ارسم ف ماذكر تقريبا شو هي اول رسمه .. بس اذا كنتي تقصدين شخصيتي (منوره) فبتحصلينها في اخر صفحه عندي .. و كانت اول صوره انزلها في فلكر

 

تحبين تقرين؟

ما جربت اقرى روايات او كتب كبيره ... بس احب اقرى المعلومات الخفيفه مرات .. بس طبعن هاذا مايدل اني مب مثقفه هههه.. احب انه اجوف الاشياء بعيوني اكثر من اني اقراها .. انا طالعه مثل الوالد احب وااااااايد الافلام الوثائقيه documentary movies واايد و قناة الجزيرة الوثائقيه من قنواتي المفضله اذا ييت ع الافلام الوثائقيه

 

مادة تكرهينها؟

الفيزياء ... لانه ماده مادري احس حتى اللي ادرسنا ماتعرف عن اشوه السالفه... مثلن تعطينا مسألة عن محرك سياره في الكتاب

.. يسيرون يحطولنا في الامتحان مسأله عن السبلان.. ابا اعرف شو الرابط العجيب.؟؟

 

ماهي قمة الانوثه بالنسبه لك؟

احب البنت اللي اسلوبها راقي في التعامل ويا الناس و اتحسسج انها ملكه بأسلوبها وغصبن عنج تحترمينها يوم ترمسينها ف هاي عندي قمه الانوثه

 

تشوفين أفلام كرتون؟

هههههههه اعرف اللي يجوفني يقول هاي تمووت ع الرسوم ... بس الصراحه انا ودرت سوالف الرسوم من يوم ما كنت صف سادس

بس اذا سألتوني عن القنوات اللي احبها لين الحين و احب ستيلها و كنت اشوف رسومهم هم 3

1-Cartoon Network

2-Disney Channel

3- Nickelodeon

 

وش ناويه تدخلين بالجامعه؟

ابا ادخل ميديا (اعلام) ان شاء الله .. و بالتحديد multimedia و بكمل فيه اذا حبيت التخصص

 

تقولك أمك روحي أطبخي عشان إذا تزوجتي؟

ههههههههههههههههههههههه لا امي يمكن هي اللي ماخلتنا نتعلم الطبخ لانه كانت تخاف علينا و كنت اجلب المطبخ فوق تحت و الخداامه اتم تتحرطم هههههههه و ياليت اطلع اب شي :p

لا بس ماحب الطبخ لانه ماحب ريحت المطبخ >< و اخاف احرق عمري بعد

 

وش تعنيلك هالكلمات

 

الام

وايد تعبت امي الصراحه و شيبت شعر راسها ههه فديتها و الله .. الله يطول في عمرها ان شاء الله

 

المدرسه

"عاشه قصي اظافرج" -_-

 

التخرج

الفكه :p

 

الأسواق

واحد لابس كندورت بربري و يتحرى عمره كاشخ :p

 

النوم

ههههههه انا باندا.. وايد ارقد.. صح اني اسهر وايد بس اعوض لاتخافون

 

الحب

اذا مايا ويا الود و الرحمه و الاحترام ما اعترف فيه

 

الغدا

عيش :P

 

الشعر

احب الشعر وايد و لو حد قالي اذا في ايدج اتبدلين موهبتج بشووه اتبدلين موهبت الرسم ؟ بقولهم الشعر

 

الكعب العالي

حلي المشيه و شكله حلو بس يعور وااايد خاصتن اذا لبستيه في المراكز او رحله طويله

 

العائله

تيي في المرتبه الثالثه من بعد الله و الرسول محمد عليه افضل الصلاة و السلام .. و اي شي ثاني ايي بعد هاذيل الثلاث

 

التضحية

شي جميل.. محد يحس بحلاوته الا اللي يكون صادق بتضحيته هاي

 

ماهو المــــوقف الذي اثر في حياتك؟

ماعندي موقف محدد الصراحه بس اذا تقصدين شي اثر فيني .. ف من الأشياه هاي .. فيلم the secret

وايد حلو. انصح الكل انه يشوفه او يشتري الكتاب

 

ثلاث اعضاء بفلكر يتعبرون احس ناس تتابعين اعمالهم؟

اذا دخلتوا ع بروفايلي بتحصلون تحت ال honor list .. حاطه تقريبا اغلبيه الاعضاء اللي صدق اقدر شغلهم .. مب كلهم في ناس ناسيتنهم بعد اسمحولي ..

 

كلمة مفتوحة

أعطيك حرية توجيهها ،,,,, توجهيها لمن

وماذا تقولين فيها ؟

كلمه حق الوالد: احبك وايد :p

 

في النهاية نشكر الأخت منورة على سعة صدرها وصبرها علينا علشان طولنا عليها

 

and we would like to thank

Mr. Greenjeans

for the background picture

    

any silly comment and comments with big photos well be deleted

(3) comments deleted

11,231 views
88 faves
110 comments
Taken on June 15, 2006