flickr-free-ic3d pan white

RRS HST & RR Sport

راكب اللي لا نوى المسرى يجاذبه النفود

من موديل 2006 الصنع ما هوب اربعه

 

رنج روفر مركب اللي ماحسب نقصٍ وزود

واحدٍ به جاب دكتوراه فنه و صنعه

 

ان نطحته ليث غاب رابظن بين الحيود

العشا قدام خشمه ميت واللبوه معه

 

و ان قفيته لعنبو جد الجميحي والفرود

تحفتٍ باغلى محلات الاثاث ملمعه

 

هيبته ما كنها الا هيبة عيال السعود

في صباح العيد و احفاد الملك متجمعه

 

كنه يقول الملغم لا نطح له في سنود

كان ما طاعك زمان الفقر فانت اللي طعه

 

اعبر من الحر الاشقر لا صار مهدود

مفلسٍ قبل امس بصيده وعشي قوبعه

 

و ان ضربت الخايع اللي ما رعت فيه الزيود

اهل المعزا وملاك التيوس الاصمعه

 

ثم تحرر عقلك الباطن من اوهام القيود

وانت تهوجس بسيد قطب و الا تسمعه

 

ودك ان تغزي الموساد و تحشر اليهود

لين يلقى كل صهيوني قبالك مصرعه

 

و ان ركبته و انت مستانس و في الدرج النقود

لا ترد اللي يدور من وراك المنفعه

 

و ان حداك الدين واستضيقت و اعياك الصمود

فانت حول من منصاته وغسله و بعه

 

شيكة ارهي لا تيسر من مهر غض النهود

ومن هنا نعرف ان الضيق مفتاح السعه

 

راكبه يا راكبه يالقرم يانسل الفهود

يالسناد اللي ليا طاح المسند ترفعه

 

يا حزامي لا امرحوا بالليل ترفين الجلود

وقام كل متيمٍ ظايق و خلا مخدعه

 

لا توقف غير عند اللي له اعضائي جنود

و ان لبسني قبعه و الا ان فصخني قبعه

 

مترفن حبه بقلبي كلما ينقص يزود

اشبعه واجوع من هجره اجوعه و اشعبه

 

نادر العرقين من ندر المجاذب والجدود

ما تمغط في رحم عبده و لا رحم امعه

 

العفيف الطاهر المكرم ابو قلبن ودود

فارقن من اصبعه بالزين الين اصبعه

  

www.youtube.com/watch?v=z1jfmtsjcnU

  

9,111 views
33 faves
25 comments
Taken on March 17, 2009