Судовы разгляд крымінальнай “справы прафсаюзаў” цягнуўся з 30 ліпеня па 24 жніўня 2018 г. Кіраўнікоў прафсаюза РЭП Ігара Комліка і Генадзя Фядыніча абвінавацілі па ч. 2 арт. 243 КК Рэспублікі Беларусь (ухіленне ад выплаты сум падаткаў, збораў у асабліва буйным памеры), і асудзілі на 4 гады "хатняй хіміі" без канфіскацыі маёмасці, і на 5 год пазбавілі права займаць кіруючыя пасады.
На кожны судовы працэс прыходзілі падтрымаць лідараў прафсаюза грамадскія і палітычныя дзеячы, прафсаюзныя актывісты, журналісты, праваабаронцы і іншыя неабыякавыя людзі.