Ítalía haust 2011

Síðbúið sumarfrí á Ítalíu, hvar annars staðar? Ein vika hjá Castello di Querceto í Chianti, Toskana héraði, og önnur vika á litlu sveitahóteli í Soave, Veneto héraði. Aðallega frí en líka innlit til nokkurra góðra bænda. Heimsóttum heimahagana í litla þorpinu La Romola í Toskana þar sem Halldór Egill fæddist fyrir 9 árum og Gréta fór í skóla. Gréta hélt upp á 15 ára afmæli í Feneyjum. Konur og börn fengu að fara í Gardaland og versla og kallinn að drekka og borða. Sem sagt allir ánægðir. Veður með allra besta móti miðað við að farið var að hausta.