k****l's photostream

Walang kawala ang madakma! Dito sa tuktok ng pine tree - katatapos lamang lapain ang tilapia. Ang Osprey ay gumagala sa bawat panig ng mundo - maliban sa Antartica.

Mula sa himpapawid, bigla siyang mag no nose-dive at sasapul sa tubig na may spectacular splash! Nakakatuwa at nakakamamanghang gilas. Kinagigiliwan ng mga nakasasaksi! Aangat sa katubigan - tangay ang nagpupumiglas na tilapia!

Agaw-eksena ang eroplanong ito. Tulad ng mga ibon, gamit nito'y pakpak. Ang gamit ko naman ay dalawang paa --- at apat na gulong. Salamat na lamang at sa dalawa kong kamay --- hawak ay camera!

Isang tilapia ang napasupalpal sa bunganga. Making sino ka man, kapag oras mo ay oras mo na, ang buhay ay pansamantalang hiram lamang --- sa mapalupa o mapatubig --- tao ka man o isda!

Mula sa himpapawid, bigla syang bumulusok at sa isang kisap-mata'y sapul-dakma nya ang isang nagpupumiglas na tilapia at sabay layag pa-himpapawid patungo sa kanyang punong-daungan upang ngatngatin ang kanyang sariwang huling isda!