Al-Qatari ©'s photostream

بعد ثالث ثلاثه حـل والوقـت ليل
ii كل عين" من العبـرة سقـت خدهـا
ارتعـش واتثبـت والعبايـر تسيـل
لقـدر اقـول ليـه ولقـدر اردهـا
واقف" وقفت المحتار وقـت طويل"
انظـر لواقعـي بالعيـن واصـدهـا
مقدر اهرب من الواقع على المستحيل
تقصر الرجل خطـوه قبـل لامدهـا
بين حزن الوداع وبين هـم الرحيـل
كـل لحظـه تمـر بهـم واعـدهـا
حسبي الله على الفرقا ونعم الوكيـل
هددتني وانا مجـروح مـن ضدهـا
اشهد الجدي في مبداه واشهد سهيـل
قصتـي تبنـي الاهـرام واتهـدهـا
ماشفالي جـروح ولابردلـي غليـل
صادت الروح روحا" بيحـت سدهـا
كلما قلت شـده قلـت يمكـن تزيـل
وكل ماقلـت راحـة قلـت لابدهـا
شرهت القلب عدل ونظرة العين ميل
اقنع النفـس ميـر النفـس ماودهـا
المشاعر لهـا بيـن الحنايـا صهيـل
والخواطر تحـز النفـس واتحدهـا
اكتب الشعر من دمي ودمـي ثقيـل
كـل ماجيـت امـد القافيـه شدهـا
اقربي يالقوافـي واشربـي سلسبيـل
من نهورا" يذوب الذوب مـع ندهـا
وذعني للحقيقـه واشربـي حنظليـل
من بحورا" يساقـي جزرهـا مدهـا
مايشـح الكريـم ولايجـود البخيـل
كـل نفـس" طبيعتهـا علـى قدهـا

الشاعر : حبيّب العازمي

حديقة اليزابيث , بروكسل

ناخـذ مـن السجـات معهـا قراطيـع * لين امهمـوم القلـب تذهـب همومـه

تطـرق عمايمنـا هـبـوب الذعـاذيـع * ونلقـى حيـاتٍ فالقصـور معـدومـه

لاقـربـت صـفـر الــدلال المهانـيـع * وغدابهـن لمخـلـط الكـيـف عـومـه

فـي خايـعٍ فيـه الزبـيـدي مصالـيـع* والربـل والـمـلاُح كــاسٍ حـزومـه

هـذا هـوى بالـي وبـاق المواضـيـع * النـفـس عـنـه مـقـيّـده ومـخـزومـه

والرابـح اللـي مـدركٍ ذبــة الـريـع * وله سمعتٍ عند الرجـال محشومـه

عبدالله ابن نايف ابن عون

الحب مثل النوم .. والوصل .. الاحلام=والشيين من الاحلام..صد المحبيين
نوم ٍ طويل ٍ عمره اشهوور واعواام=وان قمت.. ففهمها فرااق وسهر عين
وانا رقدت وعمري اربع عشر عام=وصحيت في شهر اربعه عام الالفين
نوم ٍ ثقيل ٍ كله احلام واوهاام=ونصيبي من احلامه الجانب الشين
صحّى الفرااق اقلوب في عكسه..نيام=وغاب الفرح وانا بعكسه الى اللحين
ياحزن كبدي حزن من ضاق ثم حام=اخذت فروخه مادرى ليه ولوين؟
بعد ما شاف العش عيدان وعظام=خاالي..تفكر فووق ويساار.. ويمين
خلا عشاها فيه ومن الوطى شاام=زبن على روحه وفل الجناحين
وياوجد حالي وجد من نام ثم قام=على صياح امه وهو دون رجلين
عويق وامه تنعته والنعت سام=وهو خابر انه يقسم الصف صفين
حبا وصاح بصيحة ٍ تاصل الشام=منها تقطّع في خفوقه شرايين
على وليف ٍ قسم اظنوني اقسام= واقفى وانا ما اعرف طرد المقفي
راح وترك في صدري ووسووم واعلام=وصى علي طيفه وقفى بقلبين
ليته تعذّر كان ماهو بمّلام=بعد ماشااف الدرب بيسير دربين
اشوى عليه شوي..من عظ الابهام=واشوى علي شوي..من دمعة البين
تمشي بنا الاقدام والموت قدام=وميعادنا يمفرق اثنين بعدين
ياعين لا تبكين وعيونه تنام=عادش الى ما خاب ظني بترضين
لو الدموع اتفيد فادن الايتام=ولو الكلام يفيد عادت فلسطين
ولو النباات يطّلعه دمعة هيام؟=شفتوا على وجهي ورود وبساتين
الحب سجن..وبعد الاحباب الاعدام=وقلوبنا السجّان مدري مساجين
الحب نوم ٍ عمره اشهوور واعوام=وان قمت ففهمها فرااق وسهر عين
....
وانا تراااي انعست من مدة اياام= لحدن يصحيني يالاقداار ..تكفيين

الشاعر محمد بن حمد بن فطيس

الصوره لفروخ الورقا - ام سالم

مرحوم يا ساس الوفا نسـل الاخيـار
نسل الرجال اهل الفعـول المجيـده
مرحوم يا راعي الوفا محمود الاذكار
شيخ رقى للعز باعلـى صعيـده
محدن طلع مثله بجيلـه ولا صـار
ولا جابت الخفـرات مثلـه وليـده
عديـم جـزام بـتـوع وجـبـار
يرسي مثل مرسي الجبـال الوتيـده
تبكيه ضيفـان مـن البعـد خطـار
يشكون من وقـت غشاهـم بكيـده
ويبكيه ايتـام عليهـا الدهـر جـار
ماتـت الشمعـه ولامـن وقـيـده

-------------------------------------------

خليفه بن عبدالله بن محمد العطيه الله يرحمه

كل ما بغيتك لاضوى الليل ما لقاك
تطيب نفسي لابدا النور واغفا

من حر ما فيني على وجد لاماك

تعال وامرح في ضلوعي وتدفا

الله يصبرني على الشوق وانساك

متى على الله جمرة الشوق تطفا

مدري وش اللي من وراه اترجاك

ما عاد باقي في شواطيك مرفا

فرشت لك درب المواصيل لرضاك

وخليت لي روس المراقيب منفا

واهديت لك قلبي على كف يمناك

واهديتني جرح عميقن وشلفا

بكره تناديني وانا واقف هناك

واشوف هملولك على الخد يكفا

لا ناض براق الجفا وانتثر ماك

ما عاد تنفع دمعتينك وتكفا

لا تشقي ركابك ولا تتعب خطاك

رجلك على درب المقفين تحفا

مانيب متعذب على طول فرقاك

حاجه بسيطه كلها ايام واشفا

الشاعر محمد سعود العضياني

www.6rbtop.com/downram.php?song_id=36161&type=au&...