كـــــــحـيــلاـــن's photostream

تدلل علينا يا سمي الظبي وش عاد
تدلل ولك بامر الهوى شــــــافع عندي
ولك في خيال الشاعر المهتوي ميعاد
ومجلس على غيمة وليلة قمر نجدي

اسافر معك لبلاد وانزل معك في بـلاد
ومن غيمه لغيمه ولا للسما حـــــــــد
رسمتك ضحوك الفجر يا فرحة الأعياد
ولمعة شعاع ينغمس في نــــدى ورد

وغنيت بــك صوت لقلب الهوى ميلاد
ونغمة غــــــرام ذاب في لحنها وجدي
أشوفك مطر هتان لا برق ولا رعـــــاد
من الوسم يبعث بالصحاري زهر ودي

أحبك وصل وبعاد أحبك رضــــــا وعناد
ولا يختـــلف وعدي ولا ينتقض عهدي

اكشف سنا خدك و نور به الليل ..
و غط بـ ظلام الليل خصر معزل ..
و ابسم بـ ثغر نسمته نفحة الهيل ..
فيه البرد من ردم سحبه منزّل ..
لون اللهب في وجنتك ويل و الويل ..
لي من حرقني قمت فيك اتغزل ..
نعس العيون اللي هدبها مظاليل ..
اموت فيها و ارتعد و اتزلزل ..
دايم من ارهاف الشفايف مباليل ..
ترياق سم الشوق منه اتبزّل ..
جسم حرير بـ نفحة الناسمه يميل ..
تجاوبه الاطراف لا من تخزّل ..
ماخذ من الاعجاب جمله و تفصيل ..
و احلف بربي و الكتاب المنزل ..
يا غايتي و مناي و كل المحاصيل ..
قلبي على شانك من الغيد عزّل ..
جيتك على غفله و وقعت فـ محابيل ..
و ارميتني يوم اكثر الناس عزّل ..
و الوصل منك نبت زهر الاكاليل ..
من يدك مفروش و تناثر على الزل ..
اهواك و امشي لك بـ عطف و تبجيل ..
ولا لـ غيرك لا حشى ما تنزّل ..
ما دام خدّك صبح شارق بعد ليل ..
طالبك تحرقه لجل فيك اتغزّل ..

www.youtube.com/watch?v=U0rwKxjPbKU&feature=related