emereci's photostream  

Durmo tan ben, tan profundamente, que me pregunto se non terían razón os que dicían que non era que non me gustara durmir con outra persoa. Que o que non me gustaba era durmir con eles. Pénsoo, pero non llo digo. Contida. Covarde. El contéstasme igual, sen sabelo: Uma coisa é habitar a pele. Dime. Outra é ter a noite por fragata.
___
*Di a xente de Quase Nada que dixo Eugénio de Andrade.

Unha tardiña de domingo saímos de Santiago. O lugar do crime é importante. Cambiamos as cañas por unha cea con viño café e copa. Acabárasenos o vrao outonal. O frío tamén é importante, si. Tremiamos, pero non nos tocabamos. Contidos ou covardes. Sempre educados.
- Arriba las manos! - dixo - esto es un atraco.

E, por unha vez, eu tampouco quixen deixar quedar a cousa así.

___
*Más allá de la sombra / te delatan tus ojos, / y te adivino tersa, / como un mapa extendido / de asombro y de deseo. // Date por muerta / amor, / es un atraco. / Tus labios o la vida. "El Lugar Del Crimen", de Luis García Montero.

Esmeralda L. Castro para a II Festa da Mandarina