Sty£ïSh GùrL's photostream

حبيت اشاركم بالاعلان
انه شخصيا ودي اروح بس يتعارض من دوامي
فحبيت افيد غيري اللي وده يشارك ويستفيد ونجوف ابداعه =)

وووه اخيررررررررا افتكيت من شي اسمه كلية !!! وقدمت اخر امتحان في حياتي وبديت اجازتي الصغنونه اللي مدتها 3 اسابيع قبل مابدا تطبيق عملي واتخررررررررررج باذن الله =D

وفي اول يوم اجازه حبيت انهي الاشياء المتراكمه علي الا وهي سالفه ال @@ Tag
امس 24-3-2009 كان وايد مميز لنا كطلبة .. نودع كراسينا وصفوفنا اللي تعودنا عليهم ونودع بعض بعض عشره قضيناها 4 سنوات مع بعض .. النظام في كليتنا كان يلزم الطلبه يعيشون مثل حياتهم المدرسية يعني باختصارشديد الطلبه اللي يكونون معاي من سنه اولى مايتغيرون يتمون معاي الين انتخرج ... والحمدلله في هالاربع سنوات طلعت بخوات ورفيجات مافي مثلهم بهالدنيا الله يخليكم لي ولا يحرمني منكم .. وهذي الرسمه كانت هديه للذكرى من وحده منهم عشان نذكر بعض كل ماجفناها ونتذكر الايام الحلوه ... لان في التطبيق الجوب تريننغ مابنكون مع بعض .. صج العمر يمشي =)

هني ال 14 تاق اللي طلبتوووها وثنكس الكواري وتمسااح لانكم سويتوا لي تااق بس لاتسوونها مره ثانيه ولا تتعودونها =P

1.انه ياهل،، بس كبير وعمري 22 الا شهرين احب كل شي يربطني بالطفوله وماحب اقعد مع الكبار ماعدا عياييز المحرق اووحب قعدتهم وواحب وني ذا بوه واسوي المستحيل عشان ايمع كل شي على وني ذا بوه اجوفه جدامي لو شنوووو الثمن !

2.انه عفويه ومسالمه وملقوفه واللي في قلبي على لساني ماقدر ايوود الحجوه حتى لو كانت تضايق غيري او تسبب لي مشاكل بس اهم شي ماحبسها فيني واتندم بعدين واقول جان زين قلت جذي ورديت عليه جذي !! عشان جذي اقول اي شي وفي اي مكان وحق كل من كان وهالطبع يسبب لي مشاكل لان الناس تحسبه قله احترام ساعات

3. تغلبني الحكمه في تصرفاتي – اغلب الاوقات- مو دايما اكون عقلانيه وووايد احب افكر وايد وايد وايد واقلب الموضوع على كل الجهات والزوايا واطق وايد بريكات بس بالرغم من اني عقلانيه .. الا ان التهور يغلبني ... اذا صار بخاطري شي وبغيته حتى لو غلط ويضرني اسويه ومايرتاح لي بال الا اذا سويته بالعربي ماحب احط شي بخاطري

4.انه بارده يعني بالبحريني فاجه واسوي الشي كله على اخر الوقت ودايما اعتمد التأجيل ومواعيدي مواعيد عرب وكله متاخره مخي وضميري مايشتغلون صح الا اذا حسيت الوقت كمل اصير عقبها مكينه واسوي كل شي في وقت قياسي

5.مزاجيه وايد وايد والمزاج يتحكم في شخصيتي وبسرعه اتنرفز من اقل شي خصوصا اللي يهز ريله جدامي هههه عشان جذي رفيجاتي دايم يقولون لاتهزييين لا تنرفزيني << يقلدون علي ويطنزون وانه من النوع اللي اذا اخترب مزاجي مستحيل يرجع لطبيعته بسرعه

.. مدري الوم الوقت ولا الومك

Location: Abha
Model: Hasson =P ur head m5rb elpicture