[ A b d u l a z i z ]'s photostream

♥

:

بسم الله الرحمن الرحيم

كيف الحال ياجماعه . عساكم طيبين ومرتاحين ان شاء الله
ادري اني قصرت في الفتره الاخيره وايد والسموحه ع هالشي وان شاء الله ارجع حيوي مثل قبل
والحمد لله ظروف غيبتي كانت حلوه .. مو اني رايح لاني متضايق او شي .. ابد والله سويتها لان مثل مايقولون الواحد
مرات يحتاج انه يقعد فتره مع نفسه يراجع وايد اشياء .. وخاصه احنا ( احم احم ) لازم نكون قدوه طيبه حق الجيل الجديد
من عشاق الفلكر ونعلمهم ان الفلكر مكان راقي عكس مايقولون الناس ان مكان مو زين وانه مب شي ومن هالكلام
وتري في النهايه كلن داخل لفلكر لهدف .. خلني اكون صريح معاكم فيه ناس داخله الفلكر

تبي تتعرف علي الناس
وفيه ناس داخله تبي تستفيد
وفيه ناس داخله بس تطالع الصور
وفيه ناس تدخل تعلق ولو انها ماتعرف تصور ولكن ذوقهم حلو مثلهم
تقدرون تقولون انها بيئه تصويريه صغيره وجميله وحلوه وكل شي
وفيه ناس تدخل الفلكر وتحط و وتعبر عن حالتها اللي فيها
^^

:

المهم اليوم الصبح بس بطلت عيوني وانا حلمان في واحد من اهل الفلكر
وقلت خلاص لازم ارجع الفلكر وتري هالصوره توني مصورها قريب ..مو قريب وايد ولا بعيد وايد
المهم فقلت في خاطري شنو بكتب في المقدمه .. فجا ف بالي هالكلام

الفتره اللي غبتها صارت فيها اشياء وايد
في ناس تزوجت
وفي ناس انخطبت
وفيه واحد صار ابو
وفي وحده صارت ام
وفيه ناس طلعو سوالف عن ناس >> ياعيب الشوم
والرئيس التونسي طاح
والرئس المصري طاح
والقذافي ذبحوه
والرئيس اليمني حرقو له وجهه
والرئيس السوري الحقير قاعد يذبح شعبه

هنيه وقفت وفكرت في مخي وقلت تعال بو الشباب .. حسستني انك في قناة الجزيره
قول لهم ولكم باك وخلص عمرك .. ههههه

وبس هاي سالفتي .. وانتظرو جديدي ان شاء الله يمكن هالمره احط لكم صور لكشتات كامله من الالف للياء ان شاء الله
بخلي فلكر مكان لعرض كل شي عن الكشته ان شاء الله ونعرض لكم كل الامور ان شاء الله
^^

:

وحبيت اشكر الــ69 شخص اللي طرشو لي رسايل واقول لكم جزاكم الله خير
وصحيح الواحد يوم يكون غايب يستانس يوم يشوف هالرسايل ولكن نفس الوقت قلبه
يعوره مايقدر يرد عليكم .. فيه شعور متناقض يكون والسموحه مارديت عليكم يالغاليين

:

همسه

اشتقت لكم كلكم .. شخص شخص .. وشخصه شخصه كلكم علي راسي والله

:

اخوكم
A b d u l a z i z