About dawey [Mohd Alhameed] / Mohamad yousef

khaleel haidar says:
""dawey
شنو اقول عنه وشنو اخلي ..انسان عزيز وغالي
محترم ..خدوم..ذو باع طويل بالتصوير والحياة العملية والعلمية ما شالله
اخ كبير .ودايم اسمع نصايحه الصراحه
وانسان يشجع الواحد باي مجال كان ...
على راسي يابوطارق والله
موفق يا بوطارق دنيا واخره""

Yousef Kiti says:
"الاستاذ القدير والاخ الكبير والناصح الاول لي شخصيا .
انسان يغمرك بطيبته واسلوبه وثقافته العامه وبالتصوير خاصه .
احد مؤسسين فريق التصوير والتوثيق بمركز العمل التطوعي في الكويت وجهوده لامجال لحصرها .
نهض بالفريق اعلاميا و له بصمات واضحه .
منك نتعلم يابوطارق الفن والاخلاق ايضا .
بارك الله فيك ودمت بخير وعافيه والاهل جميعا انشالله ."

Fatma:) says:
"بوطارق و النعم فيه بصراحه شهادتي فيه مجروحه
ما يقصر معاي في اي شي سواء معلومه او عدسات اهم شي العدسات :) بصراحه انسان جدا خلوق و احب اخذ رايه في اي شي يطري على بالي
اتمناله كل الخير و التوفيج في حياته :)
سواء كان في مجال التصوير او اي شي ثاني :)
اختك فاطمه :)
مركز العمل التطوعي"

BO3LWA ( P2BK ) says:
""إنسان فنان و خلوق و محترم و فنان
ماشالله عليه :) وعمره ما بخل علي
بمعلومة و لا حرمني من نصايحه
وبصراحه اتشرف بمعرفتي فيه
ولو شنو اتكلم عنه ما راح اوفيله
و الله يوفقه انشالله في عمله و هوايته و دنيته :)"

Tariq Malallah says:
"بو طارق
خير الشباب
يعمل مثل النحله
بكل جهد
ما تشوف منه الا الابتسامه
الي تعطيك الامل"

znb_almahmeed says:
"اخوي محمد .. انسان تشرفت معرفته شخص جدا هادي ولكن بنفس الوقت اجتماعي بدرجه كبيره
احب اشوف صوره له طريقة خاصه بالتقاط الصور رغم تنويعه للمواضيع .. والتنوع اللي يمتاز فيه اخوي محمد المبدع بإنجازه يخليني اتوقف مرارا امام منجزه الفني لإعادة الرؤيه والوقوف على معظم ملامح ومضامين الصور وكيف جاءت على هذا النحو من الابداع اللي يستحق كل التقدير والتحيه
الله يوفقك اخوي بوطارق ..
اختك الصغيره .. زينب"

A. Al Derbas says:
"بوطارق...

أخ عزيز وحبيب وطيب ومايقصر بالمعلومه ويساعد الكل....

وصاحب أبتسامه وخفيف الظل...

عسى الله يوفقك وإلى الأمام..."

ABD AL-RAHMAN AL-TERKIT says:
"بوطارق

انسان خلوق جدا جدا جدا جدا
اسلوبه راقي بالتعامل مع الاخرين
له لمساته الخاصه على الصوره
الله يوفقك يا بوطارق واتمنى لك التوفيق

اخوك
عبدالرحمن التركيت"

A.Alshatti says:
"اكثرما يميز الاخ الكبير بوطارق الابتسامه التي لا تفارق وجهه فهو خلوق ومحترم

والكل يستفيد من خبرته واسلوبه الراقي

موفق خير بوطارق

اخوك عبدالله الشطي"

YOUSEF AL-OBAIDLY says:
"بوطارق والله قاعد افكر شكتبلك من كثر ما انا متأكد إن الكتابه ماراح تعبر عن الكلام الطيب والاحاسيس الصادقه اللي أكنها لك
أخ محترم ومن أقرب الناس لي بسبب طيبته وصدره الوسيع
ما ننحرم منك يالحبيب ونتمنالك التوفيق
اخوك الصغير
يوسف"

A.alFoudry says:
"بةطارق هذا الأب الروحي لمركز العمل التطوعي
ريال طيب و خلوق و ذكي و حبوب و أسلوب و فوق كل هذا فنان
عمرنا ما سمعنا منه كلمة غلط
هالإنسان يدش القلب من أول نظرة
شقول أكثر بوطارق
أتمنا لك كل التوفيق
أخوك الصغير / عبدالله الفودري"

k.haidar " Far A Way " says:
"dawey Or Bu tariq...
شنو اقول عنه وشنو اخلي ..انسان عزيز وغالي
محترم ..خدوم..ذو باع طويل بالتصوير والحياة العملية والعلمية ما شالله
اخ كبير .ودايم اسمع نصايحه الصراحه
وانسان يشجع الواحد باي مجال كان ...

موفق يا بوطارق دنيا واخره"