Jökull Másson's photostream

Ég heiti Jökull Másson eins og ætti að koma fram hérna einhverstaðar. Þessa síðu nota ég til að geyma nokkrar af myndunum mínum á netinu.

Áhugi minn á ljósmyndun er búinn að vara í nokkur ár, ég gerði þó lítið í honum þar til haustið 2006 þegar ég fjárfesti mér í myndavél. Þetta var myndavél af gerðinni Canon EOS 350D og nota ég hana enn í dag. Reyndar hefur linsu safnið breyst smám saman og markmiðið er að fá sér eitthvað gott gler við tækifæri.

Þetta eru kannski ekki merkilegar myndir sem eru hérna inná en ef maður skoðar þá sést mjög augljóslega að ég er enn að læra og fikta mig áfram. Ég hef tekið miklum framförum frá því að ég byrjaði og er ég nokkuð ánægður með það.

Ég hef ekki fengið margar myndir birtar utan þess að ég var einn af þeim sem stóð að baki á skólablaðinu Draupni sem Flensborgarskólinn í Hafnarfirði gefur út. Þar átti ég töluvert magn af myndum auk nokkurra annarra áhugaljósmyndara. En fyrir utan Draupni hef ég birt nokkrar myndir á netinu og svo hef ég birt myndir í Spora sem er innan sveitar blað í Björgunarsveit Hafnarfjarðar.

Þetta er ábyggilega nóg raus um mig sem er örugglega lygi og þvaður að öllu leyti.