♣ ♣ EmiVip ♣ ♣'s photostream

الشـــوق

كم طويت الشوق والخافق طوى....وكم بريت قلوب بس جرحي كبير
والحزن ليفوق صدري قد غفى...........يعني كل الهم في قلبي أسير

من عرفته شوق ذابح بي هوى........بالصبح بالليل في وقت الهجير
مانويت الياس لو فيني نوى.........ولو يحط إرحال من عقب المسير
يا حبيبي من غيابك ماارتوى.......فؤادي المسكين عسى حالكِ بخير
وا عذاب اللي عذابه به كوى.................علته بالقلب لاهبها سعير

ما طلبت البعد ولافكري نوى............وماعنيت الهم غير دلي كسير
كم رجيت الليل لو تسمح ضوى.........كم طريت الميم معقود الظفير
شف حبيبي وين عني يا هوى.........شف علامه شف ماينشد مجير
مايلوق اللي مثل حالي سوى..........لو يقول ارحل وأنا عقبك بخير

هو حبيبي نور خده لاضوى...............مثل براق السحاب المستنير
هو حشاشة يوف هو زاد الجوى...هو ملاك الحسن في عمري يصير
ما عليه قصور كمل الله بالسوى..............ماعليه إلا يأشر بالنظير
يا غناتي خف على خلن نوى..............بس يحبك لين ربك يستخير

دمتم بود









منتديات اسطورة العرب ترحب بكم ،،، اضغط الصورة للانتقال للموقع











Create your own visitor map!